الخطيب يُجدد طلبه لاتحاد الكرة بالحضور الجماهيري.. ورسالة مثيرة لجماهير الأهلي
قام محمود الخطيب رئيس النادي الأهلي، بالتعليق على ما حققه فريق كرة القدم هذا الموسم، ومطالبته بالحضور الجماهيري الكامل في الموسم الجديد.
وأقام النادي الأهلي حفل للموسم الذهبي من أجل تكريم نجوم النادي، في مقر النادي بالأهلي بالجزيرة.
وتحدث الخطيب خلال الاحتفالية: مفيش نادي في العالم حصل على هذا الكم من البطولات في موسم واحد ، ربنا وحدة يعلم كم الضغوط اللي اتعرضنا ليها الفترة اللي فاتت ولكن في النهاية بنقول الحمدلله والشكر لله.
وتابع: احنا ماشين في اجراءات ان يكون في فرع للنادي الاهلي في مدينة العلمين وهنعرض الامر على الجمعية العمومية.
وأضاف: انا بهدي كل البطولات دي لجمهور الاهلي ومهما شكرته مش هديله حقه ، احنا محظوظين بجمهور الاهلي لان هما يستحقوه والنادي الاهلي محتاجكم اكتر في اللي جاي وبقول الكلمة دي وبقصدها لان اللي جاي صعب وصعب جداً.
وأكد : احنا تواصلنا مع اتحاد الكرة وطالبناه بالحضور الجماهيري بالعدد الكامل في جميع مباريات الموسم القادم ولكل الفرق ، طالبناه بالتواصل مع الجهات الامنية لزيادة ايضا الاعداد الجماهيرية في جميع الألعاب المختلفة الاخرى ، الجماهير عنصر اساسي ورئيسي ولازم يرجعوا بأعلى سعة لان الدولة والمؤسسات مش بيتأخروا وبيساعدوا.
وأشار: اسمحولي اقول حاجة جوايا واقولها لكل مسؤلين الرياضة في مصر ، ياجماعة الدنيا حوالينا بتتغير وبتطور بسرعة جدًا احنا محتاجين نتحرك ونفكر ، احنا كدة ممكن يفوتنا حاجات كتير وبتتعطل اكتر ، احنا محتاجين نعالج في القطاع الرياضي لان الامور بتتصعب ، محتاجين نخدم الاندية الجماهيرية والشعبية ونواكب التطورات اللي بنشوفها حوالينا لاننا مازالنا زي ما احنا.
