مفاجأة كبرى حول رحيل فيريرا.. نجم الزمالك ينفجر
تحدث نجم الزمالك الأسبق والإعلامي الحالي، أحمد حسام ميدو، .عن آخر مستجدات الأزمات التي يمر بها النادي، خلال الفترة الأخيرة، خاصة ما تداول حول رحيل المدرب البرتغالي جوسفالدو فيريرا..
وقال ميدو من خلال تصريحات تلفزيونية :”لاعيبة الزمالك لازم تتكاتف في الوقت الحالي، والنادي مر بظروف صعبة كتير على سبيل المثال وقت الكونفدرالية”.
وتابع : “وبالاتحاد والاجتهاد وإن كل واحد عمل اللي عليه، الزمالك كسب البطولة في النهاية، لما الناس تنادي باللجان المؤقتة في الوقت الحالي الصعب، يبقى ده غلط، والزمالك هيدخل في نفق مُظلم تاني” .
وواصل “أنا أول واحد قولت إن مرتضى منصور هيحق له الترشح في رئاسة الزمالك مجددا لو تم إزالة عضويته، الزمالك في موقف صعب جدا، ولكن معدن الرجال بيظهر في الأوقات الصعبة وكل أبناء الزمالك متحدين ولديهم صبرا”.
وأضاف : “الاخبار اللي خارجة من النادي بتقول إن فيريرا هيمشي لو الفريق خسر أو تعثر أمام الترجي، وده مينفعش يخرج من النادي، اللاعيبة لما تعرف إن المدرب ده ماشي لو حقق نتيجة سلبية مش هيبقى عندها دوافع”.
واختتم حديثه : “اللاعيبة لازم تعرف إن المدرب ده قاعد، ومكمل، حتى لو كانت الأخبار دي حقيقة”.
