الكشف عن تطورات مثيرة جديدة بشأن إصابة شيكابالا
لازال الحديث مستمرا عن مرض النجم الدولي محمود عبد الرازق شيكابالا قائد ونجم الفريق الأول لكرة القدم بنادي الزمالك، والتي كان يعاني منه طوال الفترة الماضية، إلا أن هناك تطورات جديدة بشأن حالته الصحية.
تفاصيل الحالة الصحية لشيكابالا
وأكد الإعلامي أحمد حسام ميدو، في تصريحات تليفزيونية عبر برنامج الريمونتادا على قناة المحور: “شيكابالا لما الفريق رجع من تونس، شعر بتعب وأعراض شبيهة بالكورونا ولما عمل التحليل، لقى في زيادة في الالتهابات اللي موجودة جوا جسمه فعمل المسحة الخاصة بكورونا وطلع سلبي لكن عنده كل الأعراض الخاصة بكورونا ومن يومها شيكابالا لم يخرج من البيت”.
وأضاف: “شيكابالا انهاردة تم الحصول منه على تحليل دم، ونسبة الالتهابات قلت ورجعت لطبيعتها، وهو حاسس إنه بقى أحسن، لكن لازم ياخد وقته في العودة، الاستعجال ممكن يجيب نتيجة عكسية”.
ثم اكمل: “أنا لسة متكلم مع شيكابالا وهو الحمد لله كويس وده اللي بأكده لأهله في أسوان وجماهير الزمالك”.
واختتم ميدو: “أهل شيكابالا في أسوان مش مصدقين إن الخبر اللي انتشر عبر قناة الزمالك، عن إصابة شيكابالا ده مش صحيح، وقلقانين على شيكابالا جدا، كل ده من خبر غلط على قناة نادي الزمالك، لازم المنصة الرسمية تكون مصدر دعم مش ضغط”.
